وجهت الإعلامية ياسمين عز عدة نصائح في عيد الحب للسيدات مؤكدة أنه لابد من احترام الراجل تقديرًا لمجهود طول السنة.
ياسمين عز في عيد الحب
وأضافت ياسمين عز أن عيد الحب للراجل، تقديرًا لمجهود طول السنة قائلة: أنا هسميه عيد حب الراجل، وبلاش تنكدي على جوزك عشان متبقيش ملعونة، وحبي تراب رجله وقوليله حاضر 365 يوم.
وتابعت :بوسي راس جوزك ومتنتظريش هدية؛ لأن فرعونك الجائزة الكبرى.
وأوضحت : الراجل عنده قلبين واحد في صدره والتاني في رجله الخلفية ومتراجعيش ورايا ولو عايزة تتأكدي أسألي دكاترة القلب.
وأشارت : يعني حفنة التراب اللي بيمشي عليها دي هدية من قلبه ورجله، والراجل عيونه هي الفيونكة وراسة الهدية.
ولفتت : سيبي مسافة بينك وبين جوزك عشان متدوسيش على ضله، لأن علميًا ممكن يتوجع ويتأثر نفسيًا، وبصيله بـ نظرة المثلث المقلوب من تحت لفوق بـ رقة ودلال ودي عكس نظرة المثلث العادي اللي بنعملها لما بنتضايق من شخص.
