أعطت الفنانة هنا الزاهد فرصة للجمهور للرد على أسألتهم المختلفة خلال حسابها الرسمي بموقع تبادل الصور والفيديوهات انستجرام، ونرصد في ذلك التقرير أبرز إجاباتها.
أبرز إجابات هنا الزاهد على الجمهور
للعناية بالشعر الأكل أهم حاجة والبروتين والنفسية مهمة جدا للشعر مع الفيتامين
بحس إني إنسانة مسئولة جدًا عن كل اللي حواليا وبحب ده جدًا ومقدرش أكون غير كده
منتظرة مسلسل سيب وأنا أسيب على شاهد
الجمهور أحلى حاجة في حياتي دائما معايا في كل لحظة، محظوظة بيهم وإني عندي عيلة تانية بتحبني الحب ده كله
بتشد للأشخاص اللي عندهم طاقة إيجابية وطيبة
كنت سعيدة وفخورة جدا بالمشاركة في حفلة قادرون باختلاف وحقيقي من أجمل الحاجات اللي حصلتلي إني قابلت أجمل ملايكة في الدنيا وإن شاءالله نشوف بعض تاني
شخصيتي زي مأنا متغيرتش من أيام المدرسة وبحاول على قد مقدر أخد بالي من ده
أكتر صفة بكرهها الكدب.. وبحب إنى بسامح ومش بفتكر الأذية
أنا انسانة بيتوتية لو معنديش شغل أحب أقعد في البيت ومع العيلة أكتر من الخروج
علي ربيع من أقرب الأشخاص لقلبي وأطيب واحد في الدنيا
مؤمنة جدا إن ديما ربنا بيعملك الخير والأحسن وشايلك حاجة حلوة انت مش عارفها وإن على قد مجهودك على قد ما ربنا هيراضيك
