هاجمت الإعلامية ياسمين عز، عارضة الأزياء جورجينا، صديقة لاعب الكرة الشهير كريستيانو رونالدو، وذلك بعدما أهدته سيارة رولز رويس بمناسبة عيد ميلاده منذ عدة أيام.
ياسمين عز وجورجينا
وقالت ياسمين عز في برنامجها كلام الناس المُذاع عبر شاشة إم بي سي مصر: ليه جورجينا مش عايزة تتعلم إنها تداري على شمعتها إيه لازمة الشو؟ .
وأضافت : بقول لها إنتي عايزة تحرجي جوزك يعني؟ وجايبة له عربية غالية وهو مش معبرك ولا عايز يتجوزك؟ وكريستيانو مش سهل ودماغه توزن بلد وفي الآخر الهدايا دي كلها من فلوسه.
وواصلت ياسمين عز: مش بعيد بعد كام يوم هيقلل مصروف البيت لأنه عرف إنها بتخنصر من وراه لدرجة إنها تحوش وتجيب له عربية زي دي، وهو كان سايب لها فلوس لمصاريف العيال واسترخصت وجابت لهم أي لبس وجابت عربية ومش مهم لبس العيد.
وتابعت: وأنا مش عايزة جورجينا تزعل من كلامي وأنا في صف أي ست بس قبلها في صف الراجل كلنا عارفين دا.
