قال الإعلامي أحمد موسى، خلال تقديمه برنامج “على مسئوليتي، الدولة المصرية مكاسب من قطاع السياحة من 30 إلى 40 مليار دولار، مضيفًا “المكاسب اللى وصلنالها في السياحة 10 مليار دولار ولا حاجة”.
وأضاف حياتك كلها بقت قائمة على الاستيراد بقينا دوله قاعدين مأنتخين مبننتجش حاجة، وفين شغلنا مثلا نشوف إحنا حركة السياحة كمان مش عارفين نعمل منها فلوس، مفروض يدخل للبلد من قطاع السياحة 20 أو 30 مليار دولار دول مش عارفين نوصل لأي رقم منهم، يدو وصلنا لـ 10 مليار دولار، وفرحانين بيهم ولا شيء ولا حاجة.
وتابع مقدم برنامج “على مسئوليتي” المذاع على فضائية صدى البلد، النهاردة دول الخليج بتسمح للروس بالدخول بدون تأشيرة، أنا بقى عملت إيه؟ الخليج بيقول لهم إتفضلوا ادخلو من غير تأشيرة العالم بقى كده النهاردة، هو أنا بعمل تأشيرات لمين وبعمل إيه وزود إيه وسبع طيارات إيه سبع طيارات يعني أنا عايز 20 30 40 طيارة، وعاملين هتافات هتافات ليه.
وبقول لك الخليج أهو بيدي تأشيرات افتح مفتوحة إتفضلو تعالو، اعمل أنت كمان كده السوق الروسي النهاردة معروف عايزين بقى ينبسطوا، وأنا عملت إيه بقى أبسط الناس إزاي أنا بتكلم على حاجة واحدة هو قطاع السياحة اعملوا تسهيلات .
وأختتم بقوله، ليه الناس تقف طوابير في المطارات بتاعتنا، أي حد جاي عايز بعد دقيقة ينزل من الطيارة 5 دقايق يكون بره في الشارع وأخد عربية عايز يقضي يوم عايز يتفسح، ليه احنا نعطله بكل الإجراءات دي.