ظهر مرتضى منصور رئيس نادي الزمالك في الساعات الأولى من صباح لايوم الجمعة على عبر شاشة قناة ناديه، وتحدث بعصبيه شديدة وصلت قذائفه ورسائلة في كل اتجاه، واليكم ملخص ما صدر عنه..
-الإصابات اللي عندنا مش طبيعية .. في حد عامل حاجة لولادنا .. الحرب علينا من هنا ومن هنا ومن هنا
-ياجماهير الزمالك انتوا عايزني أتدخل ولا ما اتدخلش؟ فيريرا أعظم مدرب جيه في تاريخ مصر وهسانده
-ومش همشي وراء شوية عيال شتمت محمود علاء ووقعته وأهو راح المنتخب، مش لو كان قعد بعد الونش ما وقع كان سد مكانه؟
- مشيتوا وراء شوية من جمهور الأهلي اللي بيقول القاضية ممكن
- المؤامرة اللي اتعملت في الإمارات .. غصب عنا نلعب في الملعب اللي خسرنا فيه السوبر قبل كده
-روح العب هناك عشان تخسر نفسياً قبل ما تبدأ وعايزين نكسب؟
-لازم رئيس الجمهورية يتدخل .. في 2 محدش عايز يلمسهم في مصر .. محمود الخطيب وممدوح عباس
-الشريف بتعملوا فيه كده؟ أنا أتمنع من السفر عشان الخطيب يتفسح؟ ليه
- أنا حسيت بطعنة وولادنا سافروا مكسروين كانوا عايزينهم يكسبوا ازاي؟
-في حاجة في البلد غلط .. كان ممكن أروح للمطار وأتمنع رسمي وتبقى فضيحة وأسحب اللاعيبة متروحش الماتش
- الناس بتبعتلي تقولي اتكلم عن الفريق شوية وعن فريق اليد اللي أحمد مدعمهوش
- يا ابني افهم النادي مفيهوش جنيه ده كفاية إن النادي واقف على رجله
-جالي السكر والضغط وأنا مكنش عندي .. ده اللي حصل في نادي الزمالك والدولة عاملاه فيا من 2020
وأنا بحمل الدولة المصرية المسؤولية