صرحت الفنانة نهى العروسي أن البعض اتهمها بتعاطي المخدرات، مشيرة إلى أنها سُجنت ظُلمًا، ولم ترتكب أي جريمة، هذا إلى جانب حديثها عن إصابتها بمرض في الغدة الدرقية.
وأضافت خلال تصريحات تليفزيونية: أنا اتظلمت، ودخلت السجن، وعملولي تحاليل، وطلع إني مش بشرب مخدرات ولا سجاير.. وبالتالي؛ أدافع عن نفسي في إيه؟، اللي عايز يتكلم عني ويشتمني؛ هيعمل كده، وأنا مش هدافع عن نفسي؛ لأني لما طلعت براءة”.
وتابعت : قالوا عني بتاعة مخدرات، ومفيش فايدة فيهم، وقولت هسيبهم يتكلموا براحتهم.. وبقول لهم آه، أنا بضرب حقن.. عايزين إيه تاني؟.
وقالت : محدش ظلمني، وأنا اللي عملت في نفسي كده وظلمتها؛ لأني جذبت لنفسي أشياء سلبية، وقبل القبض عليا؛ كنت بهزر مع واحدة صاحبتي، وقولت لها: القبض على نهى العمروسي مع مجموعة شباب، وبعدها بشهر، اللي قولته اتحقق، واتكتب نفس الكلام كـ عنوان في الجرايد.
واضافت : تعرضت للظلم في السجن، وأثبتو هناك في التحالين إني مش بتعاطى مخدرات ولا بشرب سجاير، لكن الظلم والألم بيعلموا كتير وبيدوا الواحد خبرة ووعي كبير.
