قالت طالبة تدعى سلمى عبر حسابها الشخصي بموقع تويتر، “بخصوص منى برنس مبدأياً ده مش السبب الوحيد ده جزء من الأسباب وأنا البنت اللي حصل معايا الموضوع ده شخصياً قومتني تسألني ايه رأيك ف اللي حصل لآدم وحوا ونزولهم من الجنه عدل أو لا لما قولتلها اه عدل لأن ربنا حذرهم ولما سمعوا للشيطان ربنا نزلهم الارض معجبهاش واعترضت.
وأضافت الطالبة سلمى ، “تاني حاجه قالتلي الشيطان ده أكتر شخصيه عجباني لأنه فضل مصمم على رأيه وفكره وممشيش ورا حد !! انا مش هتكلم عن اني فيه بنات للاسف طبلت لكلامها ساعتها عشان خافوا تشيلهم لكن الحمدلله احنا مسكتناش وتوجهنا لرئيس القسم في الجامعه”
وتابعت: “دخلنا الدكتور رئيس القسم المحاضره التاليه ليها وطلب منها بإحترام وذوق يجتمع معانا من غيرها عشان الطلاب متخافش منها وتتكلم بصراحه وبالفعل كله اتكلم وتم ايقافها عن التدريس ف الجامعه وقتها”
واستكملت، “اخر حاجة عموماً دون رد شخصي على حد انا لو غلط عُمر ما رئيس الجامعة ودكترتها هيقفوا مع دُفعتي ضدالدكتورة بالعكس أنا ماروحتش للعميد اصلًا رئيس القسم دكتور بيدينا مواد تانيه عرف مننا جميعاً اللي حصل (اكتر من ٩٠٪ من الدفعه)وهو قعد معاها لوحدهم ف مكتبها لوكنت غلط مكنش صعد الأمور للعميد ورئيس الجامعة”
وأختتمت: “مش صعبان عليا غير اللي بيشتموا وخلاص وعاملين نفسهم وزير التعليم ويقولولي ايه دخلك اداب، شباب اساساً الحوار ده محصلش ف اداب وانا مش خريجة أداب جهل بالأمور وقلة أدب مع بعض عموماً خير الردع السفهاء الصمت وأنا مش مسامحة كل واحدشتمني بأهلي وسب وإن شاء اللهأخدحقي منكم أمام الله يوم القيامة”.
