تحدث الفنان أحمد سعد، في حلقته مع الإعلامية إسعاد يونس ببرنامج صاحبة السعادة عن موهبة الشاب النقاش أحمد سالم الذي تصدر اسمه التريند منذ عدة أسابيع بعد تداول فيديو له وهو يغني أثناء قيامه بعمله في النقاشة.
وقال أحمد سعد: “أنا اتبسطت جدا من صوته، وفيه بيننا حاجة مشتركة أني كنت نقاش وأنا صغير بردو، بس أنا بقى كنت صبي إنما هو كان أسطى، هو بيدهن إنما أنا كنت بصنفر بس”.
وأضاف سعد، خلال حديثه: “بحبك يا صاحبي عملت حقبة جديدة في حياتي، وخلتني أروح لحبايبنا في الأقاليم، لإنهم بيحبوا يسمعوها في الأفراح”.
وتابع أحمد سعد قائلًا: “مرة كنت في فرح في بلد حبايبنا، وأول ما خلصت الموال وغنيت بحبك يا صاحبي، الفرح كله طلع على المسرح، وفجأة المسرح وقع، والناس وقعت عليا، وإيدي ورجلي اتفتحت.. هما ناس طيبين وبيهتموا بالمطرب جدا، شالوني وجريوا بيا في البلد وأنا باصص للسما، وبقوا يدخلوا بيا البيوت عايزين يلحقوني”.
