حلت الفنانة دنيا سمير غانم الليلة ضيفة في محطة راديو “إنرجي” مع المذيعة زاهرة رامي والمذيعة منة عامر، وقد تحدثت دنيا أثناء الحلقة عن الكثير من الأمور التي تخص حياتها الشخصية كوالديها وزوجها وابنتها وشقيقتها، بالإضافة إلى العديد من الأمور التي تخص حياتها المهنية كعلاقتها بمزملائها في الوسط الفني وأعمالها القادمة، وأمور أخرى.
أبرز تصريحات دنيا سمير غانم
ـ هشام ماجد كوميديان شاطر جدًا وهو شخص خاص بالنسبالي وملتزم ومحترم وبيحب شغله أوي، وكمان بحب وضوحه وصراحته من أحلى الحاجات اللي فيه
ـ احنا صورنا تسليم أهالي سنة 2020 ووقفنا وقت الكورونا وكان باقي أسبوعين، وبعدين أتأجل في العرض بسبب حاجات في الإنتاج والتوزيع
ـ أتمنى أن أقدم ربع تاريخ والدي في المسرح، وهو اللي حببنا أنا وإيمي في الفن، كنا بنروح معاه كل خميس وجمعة
ـ محبش بنتي تاخد مني البطيء والتردد وتاخد راحتها لإني بفكر كتير وإيمي اللي في قلبها بتقوله على طول
ـ بابي كان مركز معانا طول الوقت في إنك تعملي اللي إنت عاوزاه.. كان مليان حاجات جميلة خصوصا في التربية وكان البيست فريند بتاعنا
ـ أما مامي كان من أجمل الحاجات اللي بتقولهالنا حسي إن ربنا معاكي أيا كان الموقف غلط ولا صح هو اللي هيسندك ويخليكي تمشي صح
ـ شيرين قمر تقول وتعمل اللي هي عاوزاه.. وأنا مستنية أغانيها والصوت ده لازم نحافظ عليه
ـ أنا بروح الساحل بس بفضل قاعدة في البيت بس مش عارفة بيتنا في الساحل الطيب ولا الشرير
ـ بحب مسلسل الكبير أوي وكنت متضايقة لما مشيت من المسلسل بس جوايا حاجات تانية كتير جدا.. شبابي كان بيدفن تحت الباروكة والجلابية
ـ الصح اللي بقوله لأصحابي إن الأحسن ان البنت تخلص تعليمها الأول ومفيش مشكلة تحب بس لازم تعملي كيانك الأول وتشوفي بتحبي ايه وعاوزه تشتغلي ايه
