هاجم الفنان إسلام إبراهيم والد المطرب النقاش أحمد سالم ، بسبب عدم الاهتمام به وبشقيقه وتدعيم مواهبهم بعيدًا عن مهنة النقاشة.
ونشر إسلام إبراهيم عبر موقع التواصل الاجتماعي فيس بوك و تويتر قائلًا: أنا عارف إن الكلام اللي هقوله ده ممكن ميعجبش ناس كتير بس أنا شايف الترند ده من زاوية تانية خالص.
وتابع : فكرة أنك ربنا يرزقك بشابين زي دول ينطبق عليهم كلمة شباب زي الورد لأنهم ربنا كارمهم بالوسامة والموهبة والصوت الحلو وعندهم المؤهلات أنهم يكونوا نجوم ومتحاولش تساعدهم أنهم يحققوا حلمهم أو يعملوا الحاجة اللي بيحبوها.
واضاف : بتفرض عليهم قيود ومسؤوليات مش بتاعتهم زي إن هما يجهزوا أخواتهم البنات اللي أكبر منهم حضرتك البنات دول أنت اللي خلفتهم مش هما والحياة دي حياتك انت مش حياتهم هما وتفرض عليهم يكونوا نقاشين.
وقال : وده مش تقليلا من مهنة النقاش أكيد هي مهنة محترمة وشريفة لكن أي حد مش موهوب يقدر يشتغلها لكن مش أي حد عنده الموهبة والصوت ده.
وأوضح : خلاصة الكلام إحنا مش بنخلف العيال عشان نستعبدهم إحنا عندنا مفاهيم مغلوطة كتير في فلسفة الجواز والخلفة والتربية وزي ما طاعة الوالدين واجبة وأي ابن بيفتح بقه أو يعترض على حاجة مش عجباه بيبقى ابن عاق كمان الولاد أمانة هتتسئل عليها قدام ربنا.
