اعترف إسلام محمد المتهم بقتل طالبة الإعلام سلمى بهجت بتفاصيل مثيرة عن الحادث ، مؤكدًا أنه قتلها لرفضها الزواج منه .
وقال في التحقيقات : هي في الفترة الأخيرة كانت بدأت تتهرب مني وكنت دايما بهددها إني هقتلها لو مكملتش معايا وكانت دايما بترجعلي تاني خوفا من التهديدات لكن بعد كدا بترجع تبعد عني .
وأضاف: أثناء امتحاناتنا تم قتل نيرة أشرف طالبة المنصورة ، و وقتها قولت لسلمى: شوفتي اللي حصل لنيرة أشرف .. أنا هقتلك زيها .. وهي قالتلي: اوعى تفتكر إن حادث مقتل نيرة أشرف هيخليني أرجعلك أو هيخوفني .. وأنت متقدرش تعملي حاجة .
وتابع: رد فعلها استفزني جدًا وبعدها بدأت فكرة قتلها تختمر في ذهني .
وأمر النائب العام بإحالة المتهم إلى محكمة الجنايات المختصة بتهمة قتل سلمى بهجت مع سبق الإصرار .
