أثارت الفنانة المعتزلة حلا شيحة الجدل مرة أخرى، وانتشرت الشائعات حول انفصالها عن زوجها معز مسعود كما أشعلت جدلاً أيضا بعدما نشرت صورًا لها ولم يتبين الحجاب.
حلا شيحة تكشف حقيقة طلاقها من معز مسعود وخلع الحجاب
ونشرت حلا الصورة وعلقت عليها برسالة غامضة:
“لحظات في حياتنا بتعدي مع ناس بنقابلهم مرة في العمر”
“ولحظات مع أولادنا بنحس بيها بفرحة وحب وأمل”
“ولحظات مع نفسنا بنتأمل فيها حياتنا كل أيامنا لحظات”
علشان كدة مفيش حاجة تستاهل الزعل والتفكير الزيادة
أجمل حاجة أن الواحد لما يتعب أو يحس أنه تايه أو متلخبط
لازم يبقي متأكد أن مشاعره بتقوله حاجات محتاج يعرفها أو يفهمها أو يفهم نفسه أكتر
نتعلم ومش عيب نقول غلطنا ومش عيب نصلح أخطاءنا بس أهم حاجة منكملش ونعاند نفسنا ونعاقب نفسنا
الفشل أننا نسيب نفسنا جوًّا نفس المشاكل ونستسلم
وكشفت حقيقة الانفصال عن معز مسعود:
لكل المتابعين والمحبين على صفحتي وفي الوطن العربي
حابة اقولكم مفيش أي خبر اتكتب عن معز وعني يخص الطلاق صحيح
كلامي في البوست اللي فات كان كلام عام ولم أقصد بيه حد معين ابدًا
معز بعيد عن الكلام ده تمامًا بالعكس هو سبب كبير لحاجات جميلة في حياتي وحياة أولادي
مشفتش كتير زي أخلاقه واحترامه وعيب الكلام اللي بيتقال عن صفحات السوشيال ميديا كله مش صح أبدا
والله في مشاكل أكبر بكتير وحاجات أهم بكتير ممكن نتكلم فيها..
وأنا على صفحتي بحب أشارك جمهوري ساعات بمعاني بحسها وبحسهم زيي وبحب اتواصل معاهم
وعن خلع الحجاب كشفت حقيقة موقفها قائلة:
بالنسبة لحجابي أنا قلت بحاول زيي زي بنات كتييير وأكيد مش أحسن حاجة بس أنا كدة دلوقتي والحمد لله
أنا مش شيخة أنا إنسانة عادية جدا ليا حسناتي وليا سيئاتي والبشر كلهم كدة فبلاش حد يزايد على حد
بدل ما نتريق أو نقول كلام مش مهم نكون متصالحين مع نفسنا ونبطل نحكم على بعض
أحنا بشر مش ملايكة، يلا أنا مسامحة الكل معلش بشر بردو
