شيرين عبدالوهاب: ندمانة على أغنية ماتجرحنيش
علق الشاعر بهاء الدين محمد، على ما أعلنته شيرين عبدالوهاب عبر حسابها الرسمي بإنستجرام بأنها نادمه على أغنية”ما تجرحنيش” التي كتبها لها.
وقال بهاء الدين محمد، عبر حسابه الرسمي على موقع فيس بوك: مش متعود أرد على أي حد.. ولكن لما حد يتجاوز حدوده لازم يقف مكانه، ويعرف إنه مهما اتعود يغلط لازم يجى عند بعض الأسماء ويحاسب ويخلى باله، وخاصة لما حد في كل كارثة يدافع عنها.. وهتكلم باختصار جدا.
بهاء الدين محمد: شيرين عبدالوهاب بكت عندما رأتني أول مرة
وتابع بهاء الدين محمد: المشهد الأول، أول يوم دخلت شيرين عبد الوهاب مكتبي كانت مع الأستاذ نصر محروس، اللي هو صاحب الفضل في تقديمها، وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعدة مع الأستاذ بهاء.
بهاء الدين محمد: شيرين عبدالوهاب مكنتش هاتغني “كتير بنعشق”
وأضاف: والمشهد الثاني رشحتها تغني كتير بنعشق، ولولا موافقة نصر احتراما للعشرة اللي بنا ماكانتش هتغنيها، لأنها كانت موقوفه من النقابة.
أزمة مدير أعمال شيرين مع بهاء الدين محمد
واستكمل: المشهد الثالث لما فوجئت بمدير أعمال شيرين عبد الوهاب الراجل اللي أنا بحبه وبحترمه، لقيته بيكلمنى نيابة عنها ويقولي سمعني الجديد، وده طبعا خطأ لأن اللى بيغني مهما كان اسمه مش المفروض يغلط غلطة زي دي، لأن المشهد ده مش لايق على المشهد الأول.
بهاء الدين محمد: معجبنيش غناء شيرين بعدالوهاب لأغنية ماتجرحنيش
المشهد الرابع والأخير أغنية ماتجرحنيش أنا لحد الآن مش عاجبني غُنا شيرين مع احترامي الكامل لصوتها، وأكيد لولا الأستاذ نصر ماكانش هيتم اللقاء.. وماتجرحنيش من أهم أعمالي ومن حقي أدافع عنها نتاج تهور اللي غنيتها.
واختتم: وكمان لأول مره ألاقي حد بيحارب نَفسه وبيغلط في مبدعين اشتركوا في صناعته.. وعشان أكتب الكلام ده يبقى شيرين غلطانه كالعادة، بس كان لازم أقولها ما تعمليش كده تاني وأنتي بتكبري بس مش هتعدي حدود حجم بعض الأسماء ولا أعمالهم.
