أقبل محمد علم الدين، مرشد سياحي، على تصرف شهم يدل على أخلاقه الحميده الطيبة، حيث حمل سائحة على ظهره لإنقاذها بعد إصابتها بضربة شمس.
وقال علم الدين خلال مداخلة هاتفية ببرنامج “صباح الورد” والمُذاع على قناة ” تن”،: “كنا في زيارة لمنطقة اسمها وادي السبوع في رحلة نيلية .. وكانت السائحة مع فريق زميل ليا لقتها واقعة على الأرض ومش قادرة تتحرك خالص .. واحنا مكنش عندنا شبكة في المكان اللي كنا فيه عشان نتصل بإسعاف أو حاجة”.
وتابع محمد علم الدين :” ومكنش في حل غير إن إحنا نشيلها .. وكانت درجة الحرارة وقتها 50 درجة وشلتها لحد المرسى النهري، ولما راحت المركب وقعدت في التكييف فاقت شوية والدكتور كشف عليها وخفت على بليل وبعد كده شكرتني واتصورت معايا وهى والمجموعة اللي كانوا معاها “.