ردت مي حلمي، على تصريحات الإعلامي شريف عامر بشأن موظفي خدمة العملاء، مؤكدة : “أنت عارف العيال اللي مش عجباك دي بيشتغلو كام ساعة؟”
وتابعت عبر منشور لها بموقع التواصل الاجتماعي فيس بوك: حاطين سماعة على ودنهم كام ساعة.. مرتباتهم أد إيه.. شقيانين أد إيه.
واضافت : في منهم اللي بيدرس عشان يقدر يدفع مصاريف جامعته يعني لسه بيتعلم شغلته وارد انهم يغلطوا.. كمية ناس بتتصل تستظرف عليهم.
واكدت : حط نفسك مكانهم حاطط سماعة في ودنك 12 ساعة متواصلة هتبقى عامل إزاي في آخر شيفتك.
وأوضحت مي حلمي : ممكن يكون العيل ده أخويا أو أخو صاحبتي أو قريبي المهم انه حد يشقى ويتعب عشان يأكل نفسه، ارحمو ترحمو.
واضافت : هما مش مشاهير وبياخدو آلاف كل شهر من غير مجهود زي حضرتك ربنا مع كل واحد شقيان بعرقه وتعبه ده مش عيل ده راجل وأجدع راجل.
