كشف الفنان أحمد العوضي زوج الفنانة ياسمين عبد العزيز عن خطورة حالتها الصحية واجرائها عملية جراحية حيث نشر على فيسبوك قائلا “يمكن ببان قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا … انا ضعيف جدا من غيرك انتي لازم تبقي كويسه ولازم تقومي بالسلامه … انا لاول مره اكتب من غير ما اكون مفكر انا بكتب ايه وهكتب ايه … بس انتي هتقومي ان شاء الله باذن الله عشان انتي وعداني وعد وهتتفذيه”.
وأضاف عبر حسابه: ” انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره … وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك …. قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا … اكتر بكتير حتي من الموقف اللي احنا فيه دلوقتي”.
وتابع: “انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم”.
رسائل نجوم الفن لـ ياسمين عبد العزيز
نشر الفنان كريم فهمي صورة تجمعه مع الفنانة ياسمين عبد العزيز وطلب من الجمهور الدعاء لها، وشدد على ثقته في أن تتجاوز زميلته هذه المحنة الصعبة.
ووجه الفنان صلاح عبدالله، رسالة من اب لابنته الفنانة ياسمين عبد العزيز، ويطالب الجماهير ومحبي الفنانة ياسمين بالدعاء بالشفاء العاجل لها، بعد أن كشف زوجها الفنان احمد العوضي عن خضوعها لعملية جراحية، عبر حسابه الشخصي على موقع التواصل الاجتماعي “فيسبوك”.
ودعت الفنانة منى زكي لصديقتها الفنانة ياسمين عبد العزيز بعد خضوعها لعملية جراحية خلال الساعات الماضية ونشرت عبر حسابها على انستجرام الخاص بها صورة لياسمين عبد العزيز وعلقت عليها “”يا رب بحق الأيام الكريمة دى تقومى بالسلامة يا ياسمين وترجعى لولادك وبيتك.. ادعولها تقوم بالسلامة يا رب”.
كما دعم الفنان أحمد حلمي، صديقته الفنانة ياسمين عبد العزيز، بالدعاء بعد خضوعها لعملية جراحية خلال الساعات الماضية، وطلب من الجمهور الدعاء لها.
فيما نشر الفنان فتحى عبد الوهاب صورة تجمعه بالفنانة ياسمين عبد العزيز عبر حسابه بموقع فيسبوك، وكتب عليها:” ربنا يقومك بالسامة ويتم شفاكى على خير”
وشاركت الاعلامية رضوى الشربينى صورة للفنانة ياسمين عبد العزيز برفقة زوجها الفنان أحمد العوضى، معلقة :” ربنا يشفيكى يا جدعة ويقومك بالف سلامة”
