تحدث هاني شاكر، نقيب الموسيقيين، عن الأزمة الأخيرة التي نشبت بينه وبين مؤدي المهرجانات الشعبية حمو بيكا، مُبينًا أنه لا يكن له أي ضغينة أو خلاف شخصي.
وقال هاني شاكر، خلال حواره مع إيناس الدغيدي في برنامج “شيخ الحارة والجريئة”: “مش حاطط حمو بيكا في دماغي، ولو ده موجود مكنتش اتنازلت عن القضية، ولكن كان لازم يكون في موقف مني”.
وتابع: “أنا اتنازلت عن القضية علشان مش عايز أذيه وأضيع مستقبله، وشكلها مش حلو لما يبقى رد سجون، ولكن اخرت القرار ده علشان تكون قرصة ودن”.
وأضاف: “مفيش بيني وبين حمو بيكا كلام دلوقتي، لكن لو شوفته هسلم عليه عادي، بس أنا بقوله خليك في إسكندرية”.
