طبعا كلنا عارفين قناة الجزيره وعارفين قد ايه هما بيعشقوا الكذب والتضليل وخصوصا فى فى شئون الدول العربية وياسلام بقى لو جينا اتكلمنا عن مصر … ده معمول قناه مخصوص اسمها الجزيره مباشر مصر … يعنى كل القنوات دى مش مكفياهم لا ده كمان قناه مخصصه لمصر .
فأنا هتكلم انهارده على سبيل الضحك والكوميديا لان كل الكلام عن الجزيره حضراتكم عارفينه وعارفين قد ايه الدوحه بتكره مصر جدا …. بس قبل ما نخش فى الموضوع خلينا نلفت انتباه حضراتكم على حاجه كوميديه جدا زى ما اتفقنا … نرجع كده بالزمن وخلينا نشوف دوله قطر الامراء بيتعينوا فيها ازاى ؟
حاجه مضحكه جدا … خلينا نشوف خليفه بن حمد ال ثانى .. ده سادس امراء قطر و اتعين ولى العهد فى عهد احمد بن على ال ثانى … قام هو عمل ايه بقى عمل انقلاب عليه …
طيب نيجى بقى لابنه حمد بن خليفه اللى كان ماسك الحكم قبل اللى موجود دلوقتى ده … ده بقى فى سنه 1995 عمل ايه ياترى … ايوه زى مانتوا بتقولوا بالظبط عمل انقلاب على ابوه اللى هو اصلا عمل انقلاب على عمه …. حاجه مضحكه جدا … العائله بتنقلب على بعض ماشاء الله حاجه مشرفه جدا …
الغريب انهم بيستخدموا الكلمه دى كل ما بيتكلموا عن مصر بس لما تيجى تشوف تاريخهم مش هتستغرب ليه لانهم متعودين ينقلبوا على بعض و ايه العائله … دى اول حاجه ..
نيجى بقى لتانى حاجه اللى موجود دلوقتى ده بيعتبر ان قناه الجزيره اهم حاجه فى حياته لدرجه ان خصصلها ملايين الدولارات .. وكل ده ليه علشان يحس انه كبير بس للاسف هيفضل طول عمره حته اماره ملهاش اى قيمه ولما تيجى تشوفها هتعرف ان منطقه امبابه اكبر منها … ف هو غرضه الرئيسى انه يحس انه ليه قيمه باى طريقه كانت … ف بدا يستثمر فى قناه الجزيره اللى بيقدر يهاجم منها كل الدول العربيه … طيب ليه ميهاجمش امريكا … ليه ميهاجمش اوروبا ..ده بيتكلم دايما على العرب و الدول العربيه .. كل ده علشان يزعزع الاستقرار و يشجع الانقلاب اللى هو و ابوه بيحبوه اوى و بيعرفوا يعملوه كويس.
طيب ازاى الجزيره تعمل كده اقولك انا عن طريق انهم يتواصلوا مع الجماعات الارهابيه و الجزيره تعلن عن ان فيه مظاهرات فى الدول و طبعا و خصوصا مصر و على ارض الواقع مفيش اى حاجه و مش كده و بس ده الجزيره نفسهم طلعوا اعتذروا عن الفيديوهات دى و يبين قد ايه ان الجماعات دى ليها دور و هما اقليه و كل شعوب الدول العربيه لفظاهم و كارهينهم.
طيب نيجى للنقطه اللى بعدها هو بيعمل كده علشان يحس نفسه كبيره و يزعيزع الاستقرار دى فهمناها طيب هو بيعمل كده علشان الدول العربيه ميتحدوش و يفتكروا العدو الحقيقى بتاعهم لانك لو هتيجى تشوف مذكرات هيلارى كلينتون و اى حد قرا المذكرات دى هيلاقى ان امريكا بتتواصل وبتجعم قناه الجزيره علشان الاسباب السالف ذكرها وأى حد فاهم سياسه يقولك ان هو ده السبب ان ميزانيه قناه الجزيره ممكن تكون اكبر من ميزانيه دول بحالها
بس للاسف هدفكم ده معروف والشعب كله عارف ان قد ايه قناه الجزيره هى منبع للاكاذيب ومنبر الكذب والتضليل.
