خلينا قبل مانحكى الحكاية … خلينا نقول مين هوا سليم عزوز … سليم عزوز معاه مؤهل متوسط حاصل على دبلوم صنايع … مواليد سوهاج 1966 انتمى إلى أفكار التيارات الارهابية … وبعد كده سافر للقاهرة و بدء شوية بشوية يتنقل من مكان لمكان ومن شغلانة لشغلانة حتى وصل إلى أنه اشتغل فى جريده الاحرار .. وأيضا انضم لحزب الأحرار .. وبعد كده كان عايز ياخد مؤهل أعلى التحق بمعهد الانتاجية بالزقازيق وحصل منه على بكالريوس تعاون و بعد كده اقنع رئيس تحرير جريده الأحرار أنه يكتب عمود فى الجريدة … وفعلا حصل و بدء يكتب فى العامود لاتجاهاته المتطرفة … واتجاهاته المعادية للدولة … وتحولت كتاباته إلى اسقاط النظام … وبعد كده اصبح صديقًا مقربًا لأيمن نور ووقت ثوره 30 يونيو 2013 وقف ضد المصريين اللى خرجوا مطالبين باسقاط نظام محمد مرسي … و طبعًا بعد ما الثورة ما لفظت النظام … هرب على تركيا بمعاونة أيمن نور.
طيب بعد ما هرب كلنا متوقعين ايه اللى حصل … عمل برنامج أقل ما يقال عنه أنه مضحك … ليه بقى لأن المفروض أنت بقى جاي هربان ف المفروض تكمل هجوم … ولكن اللى حصل العكس تماما أنه عمل فيديوهات مع اشخاص كتير من الجماعة الإرهابية و منهم ( عصام تليمة- حمزة زوبع- أمير بسام وسيف عبد الفتاح) كلهم قيادات نشطة داخل الجماعة… لكن لما تيجى تشوف كلامهم وأقل ما يقال أنهم أصلًا بيخبطوا في بعض و بينتقدوا نفسهم … أولًا فى اختيار محمد مرسي أصلا كمرشح والحزب ميعرفش وإن الخطوه دى غير ديموقراطية …. (طيب انا راضى زمتك ناس بتخبط فى بعض يبقوا جماعة واحدة إزاى ) ما علينا خلينا نكمل … ثانيًا طريقه تحاور سليم عزوز أصلا لكل الناس دول تحسها موجه وهو بيحاورهم أنه عايزهم يخليهم يغلطوا في الجماعة … ولو عايز تتاكد من كلامي اتفرج على الفيديوهات كلها موجودة على الانترنت …
ف احنا قدام كشف عورة وفضيحة كاملة لهذه الجماعة … طيب هتقولى ليه بيعمل كده هو مش المفروض إنه معاهم ومن ضمن الجماعة هقولك المفروض … بس خلي بالك إن جوه الجماعة كمان فيه كذا تيار وكذا اتجاه ومؤيدين ومعارضين وكل واحد ليه مصلحة وحسابات شخصية ف بالتالى كل واحد بيلعب لمصلحته و ده شيئ مش جديد على الجماعة … طيب تفتكر ليه كمان ؟! …. اقولك ليه لأن بعد السقوط المخزي للجماعة فى 2013 كان الاعلام هو الوسيلة الوحيدة لتبرير … روايات كتير روجتها قنواتهم كل الناس تآمرت عليهم المدنيين والشباب وشباب الثوره تآمروا والمصريين كلهم تآمروا !!! وهو ده تانى سبب إنهم هيبرروا بإيه سقوطهم فى 2013 … فكان لازم يغتالوا الناس معنويًا أى واحد ضدهم يقوموا عليه حتى لو كان ده ضد المنطق والعقل بس اللى هو ايه أي حد هينتقدني ههاجمه …. هو ده أسلوب الجماعة وده أسلوب مش جديد عليهم.
