اى حد بقى يجى يتكلم فى الشان العام و كل الناس بقوا استائه فى السياسه !! من ضمنهم الممثل محمد شومان
قبل ما نتكلم على محمد شومان … عايزين نعرف انه الشخص ده مش زى باقى الوشوش اللى حفظناها اللى بيطلعوا علينا كل يوم … ليه اقولك ليه لان الشخص ده اول ما عيلته عرفت انه هرب على تركيا تحس ان عيلته ما صدقت …
فيطلع علينا مراته السيده شيرين هلال المحترمه … وتحكى حكايات ليها العجب من زمان وقت ما كان فى الجامعه و ميوله السياسيه و المتطرفه … ف بتقول انه زمان كان نفسه يروح يجاهد فى افغانستان !! و مش كده و بس ده انت مش حابب ان ابنك متخرج من مدرسه فرنساوى و شايف ان ده شيء لا يجوز …. فعلا انا مش فاهمك فعلا … انت فاكر ان كل الناس زيك …. ما علينا مش كده وبس ده بناء على كلام السيده شيرين انه وصلها قبل الى التبرأ من اى حقوق فى سبيل الطلاق !!! و ده مش غريب بس ما علينا مش كده وبس أكدت السيده شيرين انه وقت ما تركيا ستلفظ هذا الهارب ف انه لا يوجد مكان على وجه الارض سيحتضنه … و ساعتها هيبقوا اكتر وقت فرحانين ليه …
مش كده و بس ده بنته “لوجاين” تنتقده و بتقوله انت اسم على البطاقه … لما تطلع فى بيان و تتكلم بلسانهم ده مش من حقك … لان انت مش رب الاسره ده امنا هى رب الاسره !!!
حاولنا كتير نشيل اسمك من البطاقه بس للاسف معرفناش … و لو السلطات تعرف تساعدنا اننا نعمل ده ياريت تساعدونا … و متتكلمش بلسانا او عننا .. واحنا عارفين انك بتعمل كل ده علشانك
و اوضحت ان وجودك هو الاذى الوحيد فى حياتنا
ف تخيل لما بنتك و مراتك يطلعوا على التفزيون قدام كل الناس يتبرأ منك … و مش كده و بس ده يطلعوا يهاجموك بكل التفاصيل دى … ده مفيش حد طايقك من عيلتك تخيل بقى هل فيه حد من الشعب المصرى هيسمع كلامك او هيمشى ورا ارائك السياسيه اصلا … يعنى انا لما اشوف واحد مش قادر يمشى بيته مش قادر يدير العائله المكونه من يادوب 4 او 5 افراد …. ياترى هسمع كلامه و ارائه فى الاداره السياسيه الخاصه ب 100 مليون بنى ادم …. ياخى اتلهى على راى يحي الفخرانى …. نفسى تخليكم فى حالكم و تركزوا مع نفسكم مش اكتر …
بس للاسف مش هتعرف تعمل كده لسببين:
الاول انك بتقبض فلوس قد كده علشان تهاجم الدوله المصريه ….
ثانيا.. انك لو ادركت معنى الكلام اللى متقال فوق من عيلتك سواء من مراتك او من بنتك اللى هى منصلبك انت المفروض مننشوفكش تانى … ده لو بتحس يعنى وعندك ادراك لمعنى الكلام اللى اتقال
