طالع على البرنامج باسم ابن البلد …. طيب قولى بانهى صفه انت بتقول على نفسك ابن البلد ….
طالع بتهاجم البلد كل يوم … و بتتخنلى فى صوتك ….. وتقولى شعر على اساس انك كده من الثوار لما هتقولى شعر يعنى …. و لما تدخلى موسيقى تصويريه حزينه فى وسط البرنامج بتاعك انت كده هتاثر فيا يعنى …. عايز اقولك اغانى المهرجانات على الرغم انى مش بطيقها ممكن تكون بتاثر فى اللى بسمعها اكتر من اللى انت بتعمله ده …. يعنى مثلا لو جيت سمعت اغانى المدفعجيه اغنيه مليونير هتلاقي الناس بتسمعها اكتر م الناس بتسمعك او بتتفرج عليك باللى بتعمله ده فى الفيديوهات بتاعتك …. انا نفسى افهم انتوا بتفكروا ازاى ؟ يعنى قطر على خلاف مع بلاد عربيه كتير قبل المصالحه عمرك شفت واحد من السسعوديه طلع على برنامج ممول طلع يهاجم بلده من بره مش السعوديه بس كل البلاد المجاوره سواء الامارات او البحرين …..
اللى انت بتعمله انت و اللى زيك شيئ مضحك جدا عارف ليه لانك فاكر ان الناس بتسمعك و مصدقينك انت والجماعه عارف ليه ؟ اقولك ليه لان وقت 2012 كان الشعب مش مصدقكم اصلا … يقوم بقى لما انت تطلعلى بره و تعمل برنامج او فيديوهات على اليوتيوب تفتكر ان الناس هتصدقك او هتسمعك اصلا ؟! … و مش انا اللى بقول كده ده التاريخ اللى بيقول كده .
حقيقى وضعكم مزرى للغايه …. و انتوا صعبانين عليا علشان انا مدرك انك دلوقتى فى بلد لوحدك و مفيش حد بيساندك الا اللى شبهك اللى هما قليلين اوى برضه ده السبب الاولانى … السبب التانى انك بعدت عن اهلك و ناسك و عيلتك لمجرد خوفك …. وثالثا انك انضميت لجهه خسرانه …. رابعا انك بتاخد فلوس علشان تطلع فى فيديوهاتك تهاجم البلد …
خامسا انك زهقت مانت كل يوم بتقول نفس الكلام و تعيده ….
اخيرا بقى … لما تطلع علينا كل يوم فى فيديو او فى البرنامج تكلمنا فى امور العامه …. الامور اللى تخص الشعب المصرى …. انت مؤهلك ايه ؟ … يعنى ايه اللى المؤهل اللى انت حاصل عليه علشان تطلع تتكلم فى امور العامه ….
