نفسى اعرف لما بتطلعى كل يوم في فيديو سواء فى القنوات الراعيه للارهاب … او بتطلعى على فيديو لايف على اليوتيوب … و بتقولى نفس الكلام كل يوم و بتعيديه … نفسى اسالك سوال مزهقتيش ؟ يعنى انا حاسس انك اكيد زهقتى من كتر ما هو هو نفس الكلام اللى بتقوليه و بتعيديه كل يوم و مش كده و بس يمكن بتطلعى مع نفس المحاورين اللى كلهم برضه بيقوله نفس الكلام و المحتوى …
بيتهيالى انك زهقتى و اكبر دليل على كده ان المحامى الخاص بحضرتك طلع قال انك طلبتى منه انتى وجوزك انكم عايزين ترجعوا مصر و انه يشوفلكم طريقه علشان ترجعوا مصر …
ايه المشكله لما تطلعى تعتذرى … ايه المشكله لما البنى ادم يعرف انه غلط و يعترف ب ده … و ليه لما يعترف ب ده بيكون فى السر اللى هو ما بينه و بين شخص فى الاستخبص كده …. لكن على الملأ لا ازاى مينفعش انى اظهر بعتذر .. و مش كده و بس ده انا اطلع اكدب كل الكلام ده ….
بقولك ايه انتى هتموتى و ترجعى مصر … وعارفه ان اللى انتى عملتيه و كل الفيديوهات اللى بتعمليها دى مش هتجيب فايده و مفيش حد بيسمعك غير الكام شخص اللى حواليكم … و قريب شكلها كده كمان الكام شخص دول مش هيسمعوكم …. بس لو ده حصل هيبقى انتوا اللى خسرانين …. انتوا الطرف الوحيد اللى هيسخر … كل اللى خان بلده و كل اللى فكر فى انه هيروح يتحامى فى بلد خاينه لنفسها و هى هتبقى هتحميه … كل اللى افتكر انه اذكى واحد فى العالم … كل اللى كذب و حاول يزيف الحقائق …. لكل واحد حاول يغيب وعى المواطن المصرى …
سادس حاجه و هى نقطه تانيه بس فى نفس الموضوع … هو سؤالى لغاده نجيب … هو حضرتك طالعه فى فيديوهات لنفس القنوات المشبوهه دى بيقولولما ان حضرتك ناشطه سياسيه ؟ سؤالى لحضرتك … يعنى ايه ناشطه سياسيه … ايوه يعنى بتعملى ايه … معناه ايه المسمى الوظثفى …. طيب بلاش ايه هو الوصف الوظيفى لحضرتك …. يعنى حضرتك بتعملى ايه فى يومك المهنى … هل معنى ناشطه سياسيه انك تنظرى على النظام والحكومه ؟ !! …. فهمينى بس علشان ابقى عارف وهل لو دى مهنتك … مؤهلات حضرتك ايه علشان تبقى بتنظرى على الحكومه او النظام … دايما معروف بين ولاد البلد الجدعان فى الاحياء الشعبيه كده جمله مشهوره اوى اسمها (اللى بيقول مبيعملش … واللى بيعمل مبيقولش) …. و ده معناه بالتلخيص ان اى حد عايز يهل علينا و يقول كلام دى وظيفه ممكن اى حد يعملها مش محتاجه مؤهلات و دى مش وظيفه اصلا ….
ف هنرجع لنفس السؤال … اصدقك ازاى و انا معرفش ايه مؤهلاتك العمليه … وايه شغلانتك بالتوصيف علشان تطلعى علينا و تهلى و تتكلمى فى امور العامه و الشعب المصرى …. لان الوظيفه دى ده لو اعتبرنا ان دى وظيفه (مش سياسه) فى بلاد تانيه ليها رخصه و ليها مؤهلات معينه و دراسه لسنين طويله ….