البنك الدولى خرج علينا مره واحده كده وقالك انا قلقان من دور الموسسه العسكريه و دورها اللى بيزيد كل يوم عن اللى بعده فى الاقتصاد المصرى و ان ده سبب رئيسى لقلق المستثمرين !!
طيب خلينا نشوف اول حاجه .. انت لو هتدينا القرض علشان تدخل فى الشان الداخلى يبقى مش عايزينه … ده اولا
ثانيا..
انت ربطته حزمه من مبلغ القرض بالافراج عن عدد من السياسين اللى انت بتسميهم نشطاء حقوق الانسان مع ان دورهم بالنسبه لى خطر على الامن القومى … وهنا لازم اقف وقفه انت كبنك دولى بتربط القرض ب اشخاص ليه ؟ ده معناه ان حضرتك ليك مصلحه مع الافراد دول … و ده بينقلنا للسوال المنطقى ايه علاقتك بالاشخاص دول ؟!
ثالثا..
انت كبنك دولى بتقول ان المؤسسه العسكريه فى ينتشر دورها كل القطاعات من الإنشاءات الى السلع الغذائيه ! طيب بالنسبه لى كفرد و كمستهلك لو هتاخد رائ هقولك ان دى حاجه ايجابيه ليه بقى لأن السوق لما يكون فيه كام تاجر هما اللى محتكرين السلعه دى هما اللى هيتحكموا فيها سواء بالسعر او بالتوزيع !!! و ارجوك متقوليش فين الرقابه لانى ببساطه هرد عليك و اقولك الكلام ده كان زمان لما كانت كل السلعه مقيده باقليم معين … لكن دلوقتى التواصل ممكن يخلي تاجر ان يستورد الكيلو من سلعه معينه بسعر غالى جدا من بلد و تاجر تانى يستورد نفس الكيلو من نفس السلعه من بلد تانيه بسعر رخيص جدا وبرضه انت كبنك دولى بتشجع على حريه التعاقد ولا ايه ؟!
رابعا..
لو هنيجى مطبق المبدأ ده على اللى حصل فى ازمه كوفيد – 19 هنلاقى ان نقص الكمامات و الكحول اللى وفرته للشعب هى مؤسسه القوات المسلحه مع انه موجود بس التجار يعملوا ايه يعلوا السعر على حساب الشعب و مش كده و بس ده ممكن انه يخزن السلعه لحد ماتعلى شده الاحتياج ليه
خامسا…
انت كبنك دولى بتطالب بحمايه اجتماعيه للطبقات الكادحه … طيب واضح ان حضرتك مش متابع كم الانجازات و الاصلاحات فى الشان ده بخصوص الطبقه دى زى
برنامج تكافل و كرامه
مبادره حياه كريمه
التامين الصحى الشامل
اعانه البطاله فى ظل تداعيات ازمه كوفيد-19
مبادره التنميه المحليه للتصالح لغير القادرين
في أبريل 2020، أطلق جهاز تنمية المشروعات الصغيرة والمتوسطة ومتناهية الصغر مبادرة جديدة لدعم كافة المشروعات الصغيرة المتضررة من الآثار الاقتصادية السلبية لظهور فيروس كورونا في مصر، تتضمن توفير قرض استثنائي بقيمة مليون جنيه مصري لفترة محدودة لمساعدة المشروعات الصغيرة على تجاوز الأزمة، حيث تفيد هذه التدابير سيدات الأعمال على وجه الخصوص.
مارس 2020 عن زيادة عدد المستفيدين من القروض الميسرة والقروض بأسعار فائدة لا تذكر لإنشاء مشاريع متناهية الصغر، موضحة أن هذا الإجراء كان مخصصة لربات الأسر التي يمكنها استخدام هذه القروض لتحسين الظروف المعيشية لأسرهن.
…….. وغيرها وغيرها كتير
سادسا..
انت بتقولى محتاجين مساحه اكبر للقطاع الخاص … طيب طبعا مفيش مشكله بس لازم اقولك شركات القطاع الخاص بتمشى على هوى الافراد سواى كان رئيس مجلس لاداره او العضو المنتدب ….. بالاضافه الى كم الفساد اللى موجود فى شركات القطاع الخاص و محدش يقدر يحاسبه لان ببساطه بيعرف يستف ورقه كويس … ولا هو الفساد مش موجود فى القطاع الخاص خالص و نغض النظر عن الموضوع ده
سابعا..
تقولى استثمار اكثر فى النساء لزياده النمو الاقتصادى … انا كده اتاكد فعلا انك مش متابع ليه بقى لان مصر احتلت المركز الاول فى منطقتى الشرق الاوسط و اسيا فى اتخاذ 21 اجراء لدعم المراه خلال فتره جائحه كوفيد – 19 و ده مش كلامى ده كلام تقرير هيئه الامم المتحده والبرنامج الانمائى … ده بالاضافه ان مصر فيها اكبر نسبه تمثيل للسيدات فى شغل الحقائب الوزاريه ……
لفتت إلى ارتفاع نسبة الوزيرات في مجلس الوزراء من 6٪ عام 2015 إلى 20٪ عام 2017 إلى 25٪ عام 2018، وهي أعلى نسبة تمثيل للمرأة في مجلس الوزراء على الإطلاق، مشيرة إلى ارتفاع نسبة النساء في البرلمان المصري من 2٪ في عام 2013 إلى 15٪ في عام 2018، وهي أعلى تمثيل للمرأة في البرلمان منذ أن تم منح المرأة حق الترشح في عام 1957.
مش كده و بس ده حصل ارتفاع نسبة النساء اللاتي لديهن حسابات بنكية من 9٪ عام 2015 إلى 27٪ عام 2017، كما أن 51% من النساء حصلن على قروض تمويل متناهي الصغر، و69% حصلن على قروض المشروعات الصغيرة، بينما بلغت نسبة تخلفهن عن سداد القروض أقل من 1%، وبلغ عدد النساء المدربات في قطاع الأعمال والتسويق 30400 سيدة.
واخيرا..
عايزين نقول ان المؤسسه العسكريه لما تدخل فى مجالات كتير علشان تساعد بيها محدود الدخل يبقى ده مجهود جبار لازم تحترم عليه مش شيء يدعو للقلق لان فيه اشياء كتير بتحصل فى عالمنا تدعو للقلق … من ارهاب و حروب دمويه عرقيه و عنصريه و كمان بلاد بتحتل بلاد و مبنسعمش كلمه حقوق الانسان دى بالنسبه للبلاد دى بل بالعكس بيتكرموا كمان !!! .
