صحفى إخوانى هارب معروف بكراهيته الشديدة و العداوه للحكومة المصرية و كل تصريحاته ضد تقدم و ضد ازدهار الدوله المصريه و معروف أيضاً بعلاقته الوطيده مع الجماعة الإرهابية (الاخوان).
مؤسس لحركه (ناصريون ضد الانقلاب) ولو جيت سالتنى مين فى الحركه دى هقولك هو و كام واحد تانى فى الجماعه و مش عارفين الحركه دى بتاعه ايه.
صلاح بديوى يحب يفبرك الشائعات و ينشر اخبار كاذبه وده الطبيعى من الاخوان ومجايبهم و ده اللى اتعودنا عليه بس اللى هما مش مصدقينه ان مفيش حد بقى ياكل من الكلام بتاعهم ده … المشكله انهم لسه مصدقين.
ده غير ظهوره كل فتره و التانيه على قناه الجزيره الراعيه للارهاب وده منطقى طبعا و بيحاول باقصى جهده ان يشوه رموز الدوله المصريه و مش كده وبس ده بيحاول باكبر جهد انه يشوه سمعه المؤسسات كمان يعنى مش افراد بس .. لا مؤسسات اللى هى اعمده الدوله سواء جيش او شرطه و ببيشوه رموز الدوله بكل الممارسات الغير مهنيه و عايز يعمل فتنه و فوضى …
يعنى انا افهم ان انت مختلف مع نظام او حكومه معينه او اشخاص بعينهم … لكن انك تتريق على دولتك بالاعمده بتاعتها انك تهاجم كل المؤسسات عن طريق مواقع التواصل الاجتماعى بطريقه الكوميكس انه مفيش حياه سياسيه فى مصر …. لا تعالى اما اقولك بقى ياصلاح يا اخوانجى … اكبر تنوع وزارى فى تاريخ مصر … اكبر نسبه حقيبه وزاريه للسيدات فى تاريخ مصر … تحت قبه البرلمان اكبر نسبه شباب … مش كده و بس ده فيه حاجه اسمها مجلس شيوخ رجعت تانى بعد سنييين طويله و كل ده و تقولى مفيش حياه سياسيه فى مصر ….
الناحيه التانيه بقى انت بتمجد فى نظام تركيا و اردوجان و مش شايف اردوجان بيكمم الصحافه ازاى و بيعتقل الافراد باعتبارك صحفى يعنى ؟ّ!!…. او كنت صحفى فى يوم من الايام و نفس الكلام مع قطر برضه
و تقولى مصر كبيره عليكم بعد كل الانجازات دى و اللى محصلش ربعها فى اى مكان فى العالم و ده بشهاده البنك الدولى و موسسات تانيه بره مصر … طيب سؤالى ليك نرجع لمصر قبل ثوره 20 يونيو مكانتش كبيره عليكم ولا ايه ؟
وطبعا بعد كل التهكمات اللى بتحصل دى تقدم سمير صبرى المحامى بالنقض ببلاغ للنائب العام ونيابه امن الدوله العليا ضد صلاح بديوى لنشره الاخبار الكاذبه واساته لمؤسسات الدولة و الشعب المصرى عبر منشورات تحتوى على عبارات كاذبه مثيره للفتن
وقال صبرى إن ما نشره يشكل اركان جرائم نشر الاخبار الكاذبه والاساءه للقوات المسلحه والشرطه و الشعب المصرى مطالبا بالتحقيق فيما ورد ببلاغه.
