تصدر هاشتاج #أيمن_وميزو_اتخانقوا موقع التغريدات القصيرة تويتر حيث احتل المركز الثاني كأكثر التغريدات تداولا ، وذلك عقب انفراد موقع العربي الحديث بمكالمة سرية مسربة بين أيمن نور وأحد قادة الجماعة الإرهابية تناولت فشل الجماعة في حشد المواطنين للمظاهرات.
وانهالت التعليقات الساخرة وقال احد المغردين ميزو مدايق من ايمن عشلن خفض ميزانية برنامجه,,مع إن كان معتز موافقه لما طرد موظفين القناة.
بينما قال ياسين إبراهيم: “تمويل قنوات الإخوان تقلص بسبب التداعيات السلبية لأزمة كورونا على الاقتصاد القطرى، الأمر الذى أثر بدوره على التمويل القطرى لقنوات الإخوان”.
وقال العربي الحديث في تقريره إن المذيع الهارب معتز مطر خرج على قناة “الشرق” الممولة من الجماعة الإرهابية، مهزوزا ومرتبكا، بعد الكشف عن إحدى المكالمات بين أيمن نور رئيس مجلس إدارة قناة الشرق وقيادى من جماعة الإخوان، وكان محور الحديث يدور بينهما عن فشل الجماعة في تحقيق هدفهما في حشد المواطنين للمظاهرات، وتسببت تلك التسريبات في اشتعال الأزمة بين أيمن نور ومعتز مطر.
وجاء نص المكالمة بين أيمن نور والقيادي الإخواني عى الأرض في مصر كالآتي:
أيمن نور:
عايز أقولك إن في لبنان الحالة عظيمة جدًا.. لكن الحقيقة هي نكسة أو هي هزيمة.
القيادي الإخواني:
للأسف كلنا حاسين نفس الإحساس ده يا دكتور والله.. بس احنا بقالنا فترة بنحاول وبنجهز وبنعد الدعم وعمالين نتواصل مع محمد علي والناس بتوعنا ولازم نعمل ولازم نعوض الإخفاق اللي كان حصل عندنا في سبتمبر، علشان نعمل حاجة كويسة في يناير ونحفز الناس بس مش عارف إيه اللي حصل.
أيمن نور:
للأسف لأول مرة أشعر أننا في حالة حزن وخيبة أمل وصدمة، كنت بقولك الناس تنزل الشارع ونعمل مظاهرة أو فعالية لكن اكتشفت حجم الكارثة.
القيادي الإخواني: يا دكتور أنت والله ماقصرتش، ربنا يعلم تحفيز حضرتك لينا هو اللي كان مخلينا نكمل لحد دلوقتي ، بس أنا مش عارف بعد اللي عمله محمد علي إنه هو يطلع ويقول هنسحب وأقفل صفحتي، أنا خايف بكره الصبح إن باقي الناس اللي بندعمهم على الأرض وعمالين نوفرلهم كل الدعم، كل واحد يطلع بكره يقول أنا هقفل صفحتي ولا هنسحب من الحراك، يعني احنا لازم نلحق الدنيا قبل ما نخسر المعركة.
أيمن نور:
أنا عايز أقولك فشلت وهزمت في المعركة الأولى فلا معركة أخرى لها قيمة.
