قال الرئيس عبدالفتاح السيسي، إنه منذ عام 2002، محدش فكر يوقف البناء، مع كل تقديري للمسؤولين: “مقصدش اللي في موقعي.. اللي في موقعي ميعرفش كل شيء، واللي يعرف كل شيء المعني بالمشكلة، ومش لازم المسؤول الكبير يبقى عارف كل شيء علشان محدش يفكر إني بعمل إسقاط على حد.. أنا مش من طبعي الحكاية دي”.
وأضاف الرئيس: “محدش وقف البناء في القاهرة، وسابوا الناس تبني.. القواعد في الظروف العادية مش هتنفع، بقالنا 6 سنين بنشتغل، وطريق السويس كان حارتين رايح وحارتين جاي، وكان الطريق ده بيفضل واقف، ولكن النهاردة الناس بتتحرك زي ما هي عاوزة علشان اتعمل 9 حارات يمين و9 شمال”.
وتابع الرئيس: “أنا وزمايلي كنا رفقاء بيكم ولا لأ؟.. وكنا بنحنو عليكو ولا لأ؟.. الحنية اللي أقصدها أسهلك حياتك لأن الحنية مش طبطبة.. لأ إني أحللك”.
