قال الرئيس عبد الفتاح السيسي، أن ما يجري فى مصر حاليا يشهد طفرة كبيرة، قائلا:”والله والله والله اللي بيتعمل فيكي يا مصر ما يخطرش على بال حد.. وأنا بحلف”.
واضاف السيسي :”الناس بتتكلم ومفيش أمل ومفش حلم، الناس مش عاوزة تتغير، قاعدة تتفرج وتبص وهي ساكتة محدش بيغير المنكر”.
وتابع الرئيس خلال كلمته في افتتاح عدد من المشروعات القومية في دمياط، “أنا بسجل ليكم عشان تعرفوا قدام اللي بيتعمل، وبناء الدولة بيكون كده”، متابعًا: “اللي إحنا بنعمله والأرقام المدفوعة متواضعة، مقارنة بالعدد الذي عرض”.
واستكمل الرئيس : “اللي بنعمله في البحيرة، وباقي البحيرات، وبقول لزمايلي في الدولة، وكل الموطنين والمحافظين، البغاز لو اتنسى ومتطهرش إنتاج البحيرة هينخفض، بناء الدولة مش كده، أي محافظ قاعد فهو مسئول عن البغاز، عشان سير المياه يفضل زي ما هو”.
واختتم الرئيس حديثه موجها رسالة للإعلاميين:”أنا بقول للإعلاميين الحكاية كبيرة قوي قوي، وعشان كده نتصدى ببناء وعي حقيقي للحفاظ على بناء مصر والمصريين.. هو إنتم لما تقولوا بنحبها دليل حبكم إيه؟”
