نعت الفنانة دينا الشربيني الفنان الراحل هيثم أحمد ذكي ، الذي رحل عن عالمنا عن عمر يناهز 35 عامًا في صدمة لكل الجماهير والوسط الفني.
وقالت دينا عبر صفحتها الرسمية على “فيس بوك”:” أنا مبعرفش اكتب ولا عمرى كتبت .. بس أنا مش قادره اصدق أنى مش هشوفك تانى!! ولا هتكلمنى فى التليفون تانى وتقولى يالا نتقابل..ولو مردتش عليك الاقيك بعتلى مسدچ بتقللى طظ فيكى مش هكلمك تانى ، وأول ما ابعتلك اقللك يابنى ملحقتش ارد ده التليفون رن مرتين تقللى خلاص امسحى المسدچ وكأنى مبعتلكيش حاجه”.
وأضافت:” طول اليوم كنت بهرب من أنى اصدق ان ده حصلك أنت ياهيثم…لحد ما جيت انام دلوقتي ومش هاين عليا أنام واحنا سيبينك لوحدك.. كنت دايما تقلنا كلنا اسألوا عليا لحسن اموت لوحدي و محدش يعرف.. كنت طيب وجدع وحنين وعامل زى العيال الصغيرة”.
وتابعت :”نفسى نحب بعض كلنا ونخاف على مشاعر بعض، مش لازم نستنى حد فينا يموت علشان نفهم ان الدنيا مش مستهله.. هيثم شاف أيام صعبه وضغط كبير من الناس وتنمر ومقارنه مش عادله وللأسف مشفش حب الناس اللى إحنا شايفينه له دلوقتي..أنا عارفه انك فى مكان احسن من الاحنا فيه وسط حبيبك.. كان نفسك ترحلهم واديك رحت يا هيثم”.
