وجه الفنان محمد هنيدي الشكر لإدارة مهرجان الجونة السينمائي على تكريمه، وداعب زميله الفنان احمد السقا على حرصه المجئ إلى الجونة لتكريمه بنفسه.
ونشر هنيدي مقطع فيديو عبر حسابه الشخصي بموقع الصور والفيديوهات “إنستجرام”، معلقًا: “شكرا لمهرجان الجونة على تكريمي، وشكرا لكل جمهوري اللي عمري ما كنت هعمل حاجة لولاهم.. وربنا يرحم كل شهدائنا من الجيش والشرطة”.
وأضاف هنيدي قائلًا: “السقا جه مخصوص وحبس نفسه 48 ساعة علشان محدش يعرف إنه هنا، ويفاجئني في مهرجان الجونة إنه هو اللي هيسلمني التكريم.. طبعا أنا كنت عارف من أول يوم، وعملت نفسي متفاجئ وتقريبا الجونة كلها كانت عارفة”.
وتابع: “ودي كانت مفاجأتي للسقا.. مفيش شكر بين الأخوات.. وفرحتك باخوك اللي شوفتها في عنيك أكبر من أي حاجة.. زي ما وقفنا في ضهر بعض في الافلام هنفضل واقفين في ضهر بعض لآخر يوم في عمرنا.. بحبك يا سقا”.
وشهد اليوم الختامي لفعاليات الدورة الثالثة من مهرجان الجونة السينمائي، تقديم الفنان أحمد السقا درع التكريم بالمهرجان للفنان الكوميدي محمد هنيدي، وسط تصفيق حار من جميع المتواجدين.
