تداول رواد مواقع التواصل الاجتماعي، بوست خاص لسيدة تروي حادثة وقعت معها على الطريق الصحراوي، بالقرب من كوبري وادي النطرون، لتوضح تعاون واهتمام وزارة الداخلية بالطريق الجديد.
وتقول السيدة داليا عبر حسابها على. موقع التواصل الاجتماعي فيسبوك، “كنت الصبح على الطريق الصحراوى انا و البنات و بالضبط عند الكوبرى اللي بيطلع على طريق وادي النطرون عجلة العربية فرقعت.. الحمد لله اني كنت مهدية علشان اخد الكوبرى و على ما وقفت العجلة كانت قربت تولع من الاحتكاك”.
وتستكمل روايتها : “المهم جيت انفخ العجلة بالمنفاخ اللى بيشتغل على بطارية العربية لقيت الموضوع زي قلته لان العجلة فرقعت اصلا، المهم اعمل ايه و انا لوحدى.. افتكرت اني كان معايا رقم طوارئ الطريق الدائري و فعلا كلمتهم”.
وتؤكد السيدة أنه تم الرد عليها بشكل مباشر وفوري، مضيفة “كلمت طوارئ الدائري بعد تسجيل الاسم والتليفون، في أقل من دقيقتين اتصل بيا عقيد من قيادة طريق العلمين عرف مكاني بالضبط، من ثم تواصل معها أمين شرطة.
وتابعت السيدة: ” بالضبط ٥ دقايق و كان عندى ٢ أمناء شرطة و معاهم ونش و سألني ايه المشكلة و غيرلي العجلة، مرضيوش يسيبوني الا لما روحت لأقرب حد بتاع عجل اطمن على الاستبن و قالي رقمي معاكي لو فى أي حاجة كلميني”..
واستكملت الحديث: “بعد ما اتحركت بالعربية كلمني حد من قيادة طريق العلمين يطمن عليا، أمناء الشرطة مرضيوش ياخدوا اى فلوس و قالي ده واجبنا يافندم، بعد ساعه و نص كلمني أمين الشرطة يطمن أني وصلت”.
وأكدوا خلال آخر روايتها: “أنا بقول كل التجربة دي لأنها شهادة حق .. شخصيا كنت دايما بقول فين شرطة المرور بس الحقيقة وقت ما احتجتهم لقيتهم و وقفوا وقفة فوق ما كنت اتمني، الرقم اللي اتصلت بيه هو 01221110000، رقم الونش اللي جه معاهم 01288888025”.
