غضب عارم من السوشيال ميديا على عمرو اديب ومحمد هنيدي ومعاهم صبحي كابر

sahafy sabaq

6 سنوات ago

سادت حالة من الغضب عبر صفحات موقع التواصل الاجتماعي الفيس بوك ، بسبب حلقة عمرو اديب الاخيرة والتي استضاف فيها الحاتي الشهير صبحي كابر وقدم من الاكلات والموائد ما استفز جمهورية السوشيال .

وانهالت حالة من السباب واللعنات علي الاعلامي والفنان وايضا كابر صاحب الطعام .

* * فيديو ل عمرو اديب كان مستضيف محمد هنيدى وجايب صبحى كابر بتاع الكباب والكفته

** كميات لحمه مش طبيعيه وصوانى ومحاشي وكوارع وكباب وكفته

** فيديو فج فيديو بشع

** عمرو اديب بيقول لصبحى كابر اوعى تكون اللحمه دى مستورده انا عمرى ماباكلها قاله دى ضانى ياعمرو بيه

** انا مش شايفه هدف من الحلقه دى.

** لا هى حلقه طبخ وبيعلموا الستات ولا فيه مناسبه لكل دا غير ان فيه اتنين عمالين ياكلوا عالهوا ووراهم بالظبط مش اقل من 15 عجل وخروف مدبوح ديكور

** طيب الغلبان لما يشوف فيديو زى دا موقفه ايه

** ولا لو طفل شاف ولا لو حد نفسه فى حتت لحمه

** وايه مباكلش المستورده دى

** دا حتى المستورده الغلبان مش لاقيها

** دا اكتر فيديو شفته وجع قلبي جدا

** اقسم بالله العظيم والله والله اعرف حالات وحصل معانا فالاطعام وكنا بنوزع اكل وفيه طفل خاف من الفراخ ميعرفوش الفراخ حتى والطفل قعد يعيط

** وفيه حاله اعرفها كويس جدا لما كنت بوديلها لحمه كانت بترفض تاخدها علشان عيالها ميتعودوش عليها
ميعرفوش اللحمه

** وقصص كتير اوى اوى تخلي الواحد يكتئب

** هدف الحلقه ايه بجد

** لو برنامج طبخ هنتجاوز بس انا استفدت ايه من المنظر دا