هاجم تركى آل الشيخ رئيس هيئة الرياضة السعودية بعض أعضاء مجلس إدارة الأهلى، وقال إنهم ذهبوا لحسن حمدى وتجار من الإخوان المسلمين علشان يعوضوا مبلغ رعاية صلة، واسأل هم كانوا فين قبل انسحاب صلة، كمان أنا عايز الناس اللى عملوا أبطال بعد مداخلتى السابقة معاك هم فين، هو أنا هاخد القيم والمبادئ من محمد العدل ، هو مين محمد العدل ، ومين زكريا ناصف اللى الشيكات اللى عليه من هنا للسعودية .
وتابع آل الشيخ فى مداخلة هاتفية مع أحمد شوبير ببرنامج “مع شوبير” بقناة صدى البلد:، النقطة المهمة يا كابتن شوبير أنت قلت لى نصا فى روسيا أن الكابتن الخطيب وأعضاء بمجلس الأهلى يريدون الصلح ، وأنت شوفت رد فعلهم بعد مكالمتى السابقة معك، ولكن هذه عادتهم ، وفيه أعضاء بمجلس الأهلى بيتواصلوا معايا ومع أشخاص عندى سرا ، وبيصدروا الخطيب اللى أنا متأسف على اللى صار بينا ، والخطيب مغلوب على أمره ومضحوك عليه من ناس تحته بيسخنوه ومن وراه بيكلمونى وهدفهم السيطرة علشان معتقدين أنهم بيوصلوا مكانه من بعده، وكل مجلس الإدارة والأعضاء تربطنى بهم علاقة كبيرة وجاءوا عندى فى الرياض والقاهرة، والعامرى كان موجود فى صفقة فتحى والقيعى كلم خالد أبو بكر وحاول يتصالح ولكنه يطلع يقول كلام تانى فى التليفزيون.
وأضاف أن محمود الخطيب رئيس مجلس إدارة النادى الأهلى طلب التعاقد مع أحمد الشناوى حارس الزمالك بوجود خالد أبو بكر، مشيرا إلى أنه حزن بعد قرار بيبو بالانسحاب من الصفقة لأن اللاعب من بورسعيد.
واضاف “أتحدث بوضوح للمرة الأخيرة، فتركى آل الشيخ لا يخضع للابتزاز أو الضغط أو تغيير الكلام أو قلة الأدب فى الإعلام أو على السوشيال ميديا، فلماذا الزج باسم نادى بيراميدز فى فشل صفقة انتقال وليد أزارو للدورى الصينى”.
وتابع: “مشكلة العصابة الموجودة فى مجلس الأهلى عندما كنت موجودا كرئيس شرفى للنادى الأهلى وقبل انسحابى كانوا يضعوننى شماعة لأخطائهم ، وفى صفقة صلاح محسن اللى أحزنهم أنى أنهيت الصفقة عن طريقى، وأنت يا كابتن شوبير كان ليك دور فى إنهاء الصفقة، مضيفا: فيه ناس ليها 30 أو 40 سنة فى الصفقات بس أنا شايف طريقتها غير مفيدة .
وتابع الشيخ تركى آل الشيخ ، أعضاء بمجلس الأهلى بيحملونى فشلهم فى موضوع جوميز وآزارو ، فين جوميز حاليا ، هل تعاقد مع أى ناد سعودى ، طبعا لا ، كمان بيحملونى فشل صفقة آزارو ، وقالوا أن النادى الصينى كوبرى لعودته إلى نادى بيراميدز ، أزاى والنادى مكتمل الأجانب، أنا ما عنديش مدير تعاقدات كان بيتفسح فى روسيا ورجع يحط شماعات لأخطائه.
وهاجم تركى آل الشيخ الكاتب الصحفى مجدى الجلاد وكل من هاجمه بعد مكالمته السابقة مع شوبير.
