كشف الفنان شريف إدريس، عن سبب تعرض الفنان ماهر عصام لنزيف في المخ ودخوله في غيبوبة، أدت لوفاته بعد نحو 24 ساعة فقط.
وكتب “أدريس” عبر حسابه على “فيسبوك”:”طيب يا جماعه ده بجد تحذير مهم جداً..ماهر عصام كان اتعرض لأزمه صحيه قريب وكان عنده انفجار في شريان في المخ ودخل المستشفي فتره وكانت أزمه صعبه وعدت علي خير..اللي حصل لماهر عصام النهارده وده اللي عرفته انه كان بيتفرج علي ماتش مصر وانفعل مع الماتش فحصله نزيف في المخ..أرجوكم اي حد عنده اي مشكله صحيه من اي نوع مايتفرجش علي ماتشات ولا يعرض نفسه لأي حاجه فيها انفعال..ماهر دلوقتي في حاله خطره جداً..إدعوله من قلوبكم”.
فيما كشفت الفنانة منة جلال سبب إصابة الفنان ماهر عصام قائلة: «يا ريت تدعو يا جماعة لأخويا ماهر عصام، جاله نزيف في المخ ودخل في غيبوبة، يا رب يخرج بالسلامة.. عشان الإشاعات بس هو كان بيتفرج على الماتش وانفعل وزعل فجاله النزيف».
وتوفى في وقت سابق، اليوم الأحد، الفنان ماهر عصام داخل مستشفى دار الفؤاد بمدينة السادس من أكتوبر بعد صراع مع المرض عن عمر يناهز 38 عاماً.
وكان الفنان ماهر عصام قد تعرض لأزمة مرضية دخلها على أثرها مستشفى إمبابة العام، وبعد محاولات من نقابة المهن التمثيلية برئاسة الدكتور أشرف زكى، تم نقله إلى مستشفى دار الفؤاد، حيث أصيب بغيبوبة تامة، أدخلته العناية المركزة.