سما المصري: اتجوز محمد صلاح شهر واحد وهياخد أحسن لاعب في العالم .. ده راجل قمر
قالت الراقصة سما المصري، عبر حسابها على موقع تبادل الصور والفيديوهات “إنستجرام”: “مبروك يا مو، مش هتيجي نتجوز بقى”، وذلك عقب فوزة بأفضل لاعب في الدوري الانجليزي وسط هجوم متابعيها على طلبها.
وهاجمت المصري الجمهور بسبب الانتقادات، بمنشور جديد، موضحة: “الناس اللي بتقول إني لو اتجوزت صلاح هيبطل كورة، جوزهولي أنتوا بس وهياخد أحسن لاعب في العالم، وعمري ما هكون حنان بتاعت شحاتة أبو كف صدقوني”، متابعة: “أم مكه حبيبة قلبي، بس اتجوزه شهر واحد، ده راجل قمر ومفرح مصر والعالم كله”.
يذكر ان اللاعب محمد صلاح توج بلقب أفضل لاعب في الدورى الإنجليزى الممتاز لكرة القدم الـ”بريميرليج” للموسم الحالى 2017-2018، بعد تنافسه مع خمسة لاعبين آخرين، وهم ثلاثي فريق مانشستر سيتى، كيفين دى بروين وليروى سانى ودافيد سيلفا، الذين أسهموا في تتويج السيتي ببطولة الدوري، بالإضافة إلى هاري كين مهاجم توتنهام، وضمت القائمة حارس مرمى مانشستر يونايتد، دايفيد دا خيا.
