بعد إثارتها الجدل.. دعاء فاروق تكشف مكالمة “التوأم الملتصق” نصب فــ نصب

كتبت_ شيماء الشيمي

حذرت الإعلامية دعاء فاروق من عمليات النصب التى تتم من خلال البرامج التليفزيونية والفيس بوك وقررت منع المساعدات عبر برنامجها نهائيًا، وذلك بعد تعرضها لحالة نصب من متصلة تليفونية، اشتكت موت أحد أطفالها التوأم الملتصق.

قالت دعاء فاروق عبر فضائية النهار في برنامجها “اسأل مع دعاء” احنا اسفين البرنامج مش هيستقبل المكالمات اللى محتاجة مساعدات، بسبب الحالة اللى اتصلت بتحكي عندها ولدين توأم ملتصقين واحدهما مات من ست ساعات، والتاني الملتصق بيموت، ومحتاج عملية ضروري وأخذت تبكي بحرقة.

وأضافت دعاء” هي ست نصابة وفي عملية نصب كادت أن تتم وتداركنا الموقف ومفيش جنية اتدفع للست دى ”

واردفت دعاء “أنا جاية احذركم من عمليات النصب دى ، احنا آسفين ومش هنستقبل اى اتصالات من النوعية دى ، لأن لا يمكن حد هيعلي على عياط الست دى ، ومحدش كان متخيل انها ممثلة ، مذيعة هبلة قاعدة اى كلمة بتعيطها هى عارفة الفريسة بتاعتها ، والناس انهارت معاها، ومصر كلها عيطت علشانها”.

وتابعت “فوجئنا بكم مكالمات وناس عاوزة تبيع دهبها وكل اللى معاها، وناس عالفيس بوك تنشر بوست لجمع التبرعات لهذه السيدة، والناس تشتمنا اننا مش بنوصلهم للست دى .

واستكملقت دعاء “احنا معندناش الالية اننا نتأكد من صحة الكلام اللى المتصلين بيقولو ومعندناش جهاز كشف الكدب ، ومش هنسمح لمخلوق يستدرج وينصب على الناس من خلال البرنامج”

وتابعت”السيدة رفضت إرسال أى إثبات وأعطتنا رقم لدكتورة نصابة.