قدم أحمد حسام ميدو، المدير الفني السابق للزمالك، اعتذاراً عن الفيديو الذي تم تسريبه أمس للرباعي المشارك في ستوديو تحليل مباراة مصر والبرتغال على القناة الناقلة للمباراة .
وكتب ميدو عبر حسابه الشخصي بموقع التواصل الاجتماعي “تويتر”: “إمبارح اتسرب فيديو واحنا قاعدين في الفاصل بنعتذر طبعا لكل الناس على كل لفظ خارج فيه.. وإن شاء الله هنجيب الخائن للأمانة في أسرع وقت ممكن.. أكيد مش ذنب أى حد أنه يسمع الألفاظ دى!!.
وأضاف ميدو: ”أما عن الشباب اللي عايشه الدور ومصدومين من الألفاظ وكده، وكانوا فاكرين إن إحنا وإحنا بنتكلم مع بعض بنبيع سبح وفوانيس، فبقولهم معلش متتخضوش ميدو عمره ما عمل نفسه ملاك، ولا عايز الناس تفتكره ملاك!!”.
واختتم ميدو تدويناته: ”كلنا واحنا بيننا وبين بعض بنهزر وبنضحك، وأكيد لو أى حد سجل ليك إنت وصحابك في كلام أكتر من كده ممكن يطلع.. مرة ثانية بأوعدكم هنجيب اللي سرب الفيديو ومش هنسيبه!! صباح الفل عليكم جميعا!!”.
