طالب الرئيس عبد الفتاح السيسي، حضور احتفالية تكريم المرأة المصرية 2018 والأم المثالية، بالوقوف تحية وتقدير لكل سيدة مصرية، واللواتى أسماهن “عظيمات مصر”.
وقال السيسي، فى كلمته خلال احتفالية المرأة المصرية والأم المثالية، المقامة الآن فى فندق الماسة: “كلامى عن الست المصرية لا ينتهى، وده مش مجاملة ليهم، وخلال الـ5 سنوات اللى فاتوا محدش هيجامل بدم أولاده أو أزواجه، وخلال الفترة دى التقيت أسر الشهداء، وأقسم بالله لم أسمع كلمة واحدة من أم أو زوجة شهيد فيها أى شكل من أشكال الملامة”.
وأكد الرئيس، إنه لم يصادف سيدة مصرية معترضة على فقدان ابنها أو زوجها شهيدا ضمن شهداء مصر، متابعا: “مفيش سيدة قالت كلمة تعترض فيها أبدا على إنها فقدت شهيد للأبد، اللى هو السند، يمكن الابن والحبيب، لكن هى كانت دايما شايفة مصر”.
وأضاف السيسي قائلا: “الست تبتلع ألمها وأحزانها علشان خاطر بلدها، دى تجربتى، بقول للمصريين من فضلكم اتحملوا وقدروا وتأدبوا مع كل ست وبنت، ده مش تفضّل، ده تقدير وعرفان مننا، لأن ليهم حق كبير عندنا”.
وتابع الرئيس كلمته خلال الاحتفالية، موجها رسالة لسيدات مصر بالقول: “خلال السبع سنين اللى فاتوا، انتوا أكتر من دفع وتألم من ظروف مصر، الأمور الأمنية ما كانتش مستقرة، أكتر ناس دفعوا التمن هم سيدات مصر، عظيمات مصر”.
