سخر الإعلامي عمرو أديب، من تجاهل دولة قطر، ما فعلته السلطات الفرنسية من ضبط طارق رمضان حفيد حسن البنا مؤسس جماعة الإخوان، على خلفية اتهامه في وقائع اغتصاب عديدة، قائلا: “إن قطر قالت لحفيد البنا “لا أنت ابني ولا أعرفك”.. مش عيب.. ده كلام يا قطر الراجل المحترم حفيد حسن البنا”.
وأضاف أديب خلال تقديمه برنامج «كل يوم» المذاع على فضائية «أون أي» قائلا: «أخيرا الشرطة الفرنسية قررت تقبض على حد من ريحة المرحوم.. حفيد حسن البنا لما كان ييجي يهجم على طالبة من طالباته يقول لها: تتحجبى ولا أغتصبك.. شايفين الاختيار.. انتوا عارفين كانوا بيختاروا إيه».
وأردف: «الراجل كان بيستخدم الدين في فعل الفاحشة، يعنى كان بيحاول يقنع الطالبة بالدين.. وده بقى لا اللى ألفته ولا معرفش جاية منين.. ده السيد المحترم حفيد حسن البنا.. كمية السيدات والطالبات اللى اغتصبها في الجامعات لا متناهية.. والإخوان جمعوا فلوس علشان يطلعوه ومش بعيد يكونوا ناويين يدفعوا تعويضات للضحايا بالملايين علشان يطلع.. ده حفيد الشهيد.. حسن البنا».
