عبر موقع التواصل الاجتماعي الفيس بوك ، نشرت صفحة حقوق عين شمس ، بوست توضح فيه حقيقة تغيير نظام الدراسة بكلية الحقوق ليصبح 6 سنوات بدلا من 4
ونفت الصفحة صحة هذا الكلام واصفة ما تم تداوله عبر السوشيال ميديا انه كلام مغلوط تماماً
واليكم نص ما نشرته الصفحة
حقوق ٤ سنين ولا ٦ سنين
فيه كلام منتشر جداً علي الفيس بوك ان حقوق بقت ٦ سنين و مبدائياً ده كلام مغلوط تماما
لما تتخرجوا باذن الله و تقرروا انكم تشتغلوا في المحاماة هتمرو بتسلسل وظيفي فيها بداية من قيد جدول عام ثم قيد ابتدائي ثم قيد استئناف ثم اخيراً النقض
في بداية شغلك في المحاماة مش بتمسك قضايا مرة واحدة كدة علطول لا ده انت لازم تتدرب سنتين تحت ايد محامي وبعد السنتين دول يديك شهادة خبرة انك مؤهل انك تترقي من جدول عام ل ابتدائي هما بقي زودا حكاية المعهد ده بجانب التدريب مع محامي في خلال السنتين اللي بتدربهم مع محامي وبتشتغل عادي جداً بجانب الدراسة في المعهد اللي بيكون عبارة عن كورس مش جدول دراسة والكلام ده
و لو مقررتش انك تشتغل في المحاماة يبقي المعهد ده ملوش اي لازمة بالنسبة ليك ولا صلة بيك
