تعرف على السبب الذي جعل الرئيس يشكر أهل الصعيد: كتر خيركم

علق الرئيس عبد الفتاح السيسي، عن شهامة أهالي الصعيد،حيث ساندوا الرئيس والشعب المصري أثناء مشروعات الطرق.

وقال السيسي، خلال كلمته بمؤتمر “حكاية وطن”: “كان وزير النقل بيتكلم من يومين، على إن فيه 23 كليو قدام الكوبري وبيقولي معلش نستنى سنة، علشان فيه مشكلة في الأرض.. فقولت: “أطلع يا كامل شوف الموضوع دة وكلم الناس”.

وتابع: “قسما بالله قسما بالله، مجرد ما قولت الكلمة في الميكرفون، راحوا هناك، أهالي الصعيد قالولهم خشوا وشيلوا البيت اللي عايزينه، والطريق اتفتح وبيتم تجهيزه دلوقتي من غير ما ياخدوا قرش واحد”.

واستطرد: “أنا بحيّ أهالي الصعيد، زي ما حييوا مصر، وأنا بقول لهم كتر خيركم.. تحيا مصر تحيا مصر تحيا مصر”.

وانطلقت فعاليات مؤتمر “حكاية وطن” في أحد فنادق القاهرة، مساء أول أمس الأربعاء، واستمرت لمدة 3 أيام، استعرضت خلالها إنجازات الرئيس عبدالفتاح السيسي، وذلك بحضور عدد من الوزراء والمختصين في شتى المجالات.