قال الرئيس عبد الفتاح السيسي إن ما تحقق لمصر خلال الأربع سنوات عظيم جدًا في ظل الظروف.
وأضاف السيسي في كلمته في فعاليات جلسة «السياسة الخارجية ومكافحة الإرهاب وبناء مؤسسات الدولة»، خلال اليوم الثالث والأخير لمؤتمر «حكاية وطن»، اليوم الجمعة قائلًا: «كافة مؤسسات الدولة قامت بدور فى الأربع سنين، وسألقى الله بما تم تنفيذه خلال الأربع سنين».
وأكد قائلًا: «خلوا بالكم أنتم ممكن تظلموني، ممكن متعرفوش، لكن هو لا، هو شايف وعارف، شايف السر وأخفى، إله الوجود ربنا اللي أنا حاطه فقط في كل تصرفاتي معاكم قدام عينيا، هو بس، وعشان كدا مبيخطرش في بالي حاجة تانية».
وتابع قائلًا: «اللي انتو بتشوفوه في تعاملي مع الواقع المصري كله في الداخل مع أهلي، أهل مصر، دا عبارة عن فهم للناس اللي عايزة تفهم دين، أنا معاملتي مع أشقائي المسيحيين مش سياسية، أنا بقولكم كلام الحقيقي، دا ديننا الحقيقي إن شاء الله، التعامل دا، الاحترام دا، المحبة دي، السماح لهم يعيشوا في وسطنا كأنهم إحنا، لهم ما لنا وعليهم ما علينا، ونخلي بالنا منهم ونحافظ عليهم ونموت عشانهم، اللي أنا بعمله دا للى عايز يعرف، دي مش سياسة، دا ديننا العظيم جدًا اللي إحنا أسأنا ليه وخليناه بالصورة اللي إنتم شايفينها».
